SENDA LITORAL AROUSA NORTE POR RIVEIRA

A senda percorre 37,5 km do Concello de Riveira. O punto de partida sitúase na Capela do Carme en Espiñeirido para dirixirse cara ao Faro de Corrubedo.
Volteando o Faro alcánzase o perímetro do Parque Natural do Complexo Dunar de Corrubedo e Lagoas de Carregal e Vixán. Neste tramo atópase o punto máis alto con 174 m sobre o nivel do mar no Mirador da Pedra da Rá dende o que se baixa cara a Aguiño.
A ruta continúa en baixada cara o porto de Aguiño. Dende alí o camiño diríxese cara o porto de Riveira pasando antes pola praia do Castro, un areal de 1.250 m de longo con fina area branca e fondos rochosos. Seguindo pola beira da costa, chégase ata a praia de Coroso dende a que se pode ver a Illa de Rúa, unha illa enteiramente rochosa formada por grandes bloques graníticos.
A última parada de Riveira é o porto de Palmeira, un pequeno porto pesqueiro que mantén gran parte da estrutura do século XVIII. Nel atópase o Mirador do Castelo con vistas a toda a vila de Palmeira. Con Rego Esteirón dase paso ao Concello da Probra do Caramiñal.
93 IBP

Índice de dificultade

Dificultad SLAN Riveira

Parque Natural do Complexo Dunar de Corrubedo e Lagoas de Carregal e Vixán

Corrubedo ten a duna móbil máis grande do noroeste peninsular. O conxunto xeolóxico do Parque Natural formouse hai 12.000 ou 15.000 anos e a súa superficie abarca unhas mil hectáreas.

Mirador da Pedra da Rá

Está situado sobre unha roca con forma de rá no monte do Castro, próxima ao castro celta Castro da Cidá. Hoxe en día conta cunha plataforma con vistas á desembocadura da Ría de Arousa e ao horizonte Atlántico.

Porto de Aguiño

A súa tradición pesqueira fai do seu porto o punto neurálxico no que se descargan e comercializan peixes e mariscos, destacando pola súa gran calidade o rei do marisco; o percebe.